Առաջին թարգմանիչ-ակնոցը
Ստեղծել են ճապոնացիները

Կապիտալ

Հեղափոխական նորույթը պետք է վաճառքի հանվի արդեն 2010թ.:

Ճապոնիայի NEC Corp. կորպորացիան ստեղծել է ակնոցի տեսքով եզակի սարք, որն օտար լեզվով բանավոր խոսքը վերածում է տեքստի և դրա թարգմանությունը պրոյեկտում ուղղակի աչքի ցանցաթաղանթի վրա:

Այս մշակումը կարող է հաջողությամբ օգտագործվել, մասնավորապես, միջազգային խորհրդաժողովներում և օտարերկրացի գործընկերների հետ գործարար բանակցությունների ժամանակ:

Թարգմանիչ-ակնոցը՝ ներսարքված միկրոֆոնով և փոքրաչափ համակարգչով, կարելի է օգտագործել ժամերով, քանի որ դրանից աչքերը չեն հոգնում:

Պրոյեկտորից ազդանշանը ստացվում է անմիջականորեն ցանցաթաղանթի վրա, որը տեսողական նյարդերով այն անմիջապես ուղարկում է ուղեղին: Ուստի զրուցակիցները կարող են խոսակցություն վարել երկու տարբեր լեզուներով՝ նայելով միմյանց և իրենց նեղություն չպատճառելով թարգմանության ընթերցմամբ:

Հեղափոխական նորույթը պետք է վաճառքի հանվի արդեն 2010թ.:

Սակայն այսպես կոչված մեքենայական թարգմանության ստույգությունն առայժմ ամենևին չի համապատասխանում այն մակարդակին, որը հանդես են բերում պրոֆեսիոնալ մարդ-թարգմանիչները: