Սովյալների թիվը գերազանցել է մեկ միլիարդը
Պարենային ճգնաժամը բնավ էլ չի ավարտվել

Կապիտալ

Գլոբալ ֆինանսական ճգնաժամի պայմաններում մոլորակի 6 մլրդ բնակիչներից 1 մլրդ-ն ի վիճակի չէ նորմալ սնվել:

Գլոբալ ֆինանսական ճգնաժամի պայմաններում մոլորակի 6 մլրդ բնակիչներից 1 մլրդ-ն ի վիճակի չէ նորմալ սնվել: Աշխարհում սովյալների ընդհանուր թիվն ավելի քան 1 մլրդ է:

Այդ մասին Կանբերայում հայտնել է Պարենի համաշխարհային ծրագրի գործադիր տնօրեն Ջոզեթ Շիրանը. «Սովն այսօր քայլում է ամբողջ աշխարհում: Պարենային ճգնաժամը բնավ էլ չի ավարտվել: Գլոբալ ռեցեսիան աշխարհի խոշորագույն պարենային շուկաներում առաջացրել է գների նվազում, սակայն զարգացող երկրներում հիմնական սննդամթերքի գները աճել են»:

Ասիայի, Աֆրիկայի և Լատինական Ամերիկայի պետություններում պարենային ապրանքների գինն այսօր ավելի բարձր է, քան մեկ տարի առաջ, դրա հետևանքով աշխարհում սովյալների թիվն անցած երկու տարվա ընթացքում ավելացել է 200 միլիոնով, իսկ նման մարդկանց ընդհանուր թիվը հասել է ամենաբարձր մակարդակին և կազմում է 1,02 մլրդ: