Վտանգում են ընկերությունների աշխատանքը
Սոցիալական ցանցերը

Կապիտալ

Բրիտանական ընկերությունների աշխատակիցների կեսից ավելին աշխատանքային ժամերի ընթացքում այցելում է ինտերնետային սոցիալական կայքեր:

Բրիտանական ընկերությունների աշխատակիցների կեսից ավելին աշխատանքային ժամերի ընթացքում այցելում է ինտերնետային սոցիալական կայքեր: Դրա հետևանքով աշխատանքի արտադրողականության կորուստը տարեկան կազմում է 1,4 մլրդ ֆունտ ստեռլինգ:

Այս մասին հաղորդում է The Financial Times-ը՝ վկայակոչելով Morse ընկերության ուսումնասիրության արդյունքները:

Հարցմանը ներգրավելով բրիտանական կորպորացիաների 1460 աշխատակիցների՝ Morse-ը պարզել է, որ նրանց 57%-ը շաբաթվա ընթացքում միջինը 40 րոպե անցկացնում է սոցիալական ցանցերում: Տարվա ընթացքում հանրագումարը կազմում է մի ամբողջ աշխատանքային շաբաթ կամ 1,4 մլրդ ֆունտ ստեռլինգի կորուստ:

Բացի այդ՝ աշխատանքային համակարգիչներից մուտքը Twitter կամ Facebook կարող է վնասել ընկերությունների անվտանգությունն ու հեղինակությունը։