Ինտերնետը գրավում է հեռուստատեսության դիրքերը
Մեծ Բրիտանիայում ավելի շատ գումար են ծախսում ինտերնետային, քան հեռուստատեսային գովազդի վրա

Կապիտալ

2009թ. հունիսին Մեծ Բրիտանիայում հեռուստատեսային գովազդի գինը նվազեց՝ գրանցելով նվազագույն մակարդակը 1980-ներից ի վեր:

Մեծ Բրիտանիայում ինտերնետային գովազդի ծախսերը 2009թ. առաջին կիսամյակում, նախորդ տարվա նույն ժամանակահատվածի համեմատ, ավելացել են 4,6%-ով: Այս մասին հաղորդում է Reuters գործակալությունը՝ վկայակոչելով Internet Advertising Bureau (IAB) գործակալության հետազոտությունը:

Ընդ որում՝ այս տեսակի գովազդին ուղղված ծախսերն առաջին անգամ գերազանցել են հեռուստատեսային  գովազդի ծախսերը:

2009թ. առաջին կիսամյակում, ընդհանուր առմամբ, բրիտանական ընկերությունները 1,75 մլրդ ֆունտ ստեռլինգ են ծախսել ինտերնետային գովազդի վրա, ինչը կազմում է գովազդային բոլոր ծախսերի 23,5%-ը: Հեռուստատեսային գովազդի մասնաբաժինը կազմում է 21,9%:

Նշենք, որ 2009թ. հունիսին Մեծ Բրիտանիայում հեռուստատեսային գովազդի գինը նվազեց՝ գրանցելով նվազագույն մակարդակը 1980-ներից ի վեր: