Ի՞նչ սոցիալական ցանցեր են նախընտրում աշխարհում
Հայաստանում ամենից շատ տարածված է Одноклассники-ն, Ռուսաստանում՝ В Контакте-ն

Պատրաստեց Տիգրան Խաչատրյանը

Իտալացի Վիչենցո Կոսենցայի անկախ հետազոտությունը ցույց է տվել, որ աշխարհում ամենահայտնի սոցիալական ցանցը Facebook-ն է:

Իտալացի Վիչենցո Կոսենցայի անկախ հետազոտությունը ցույց է տվել, որ աշխարհում ամենահայտնի սոցիալական ցանցը Facebook-ն է:

Այդ ֆոնի վրա առանձնանում է Արևելյան Եվրոպան, որտեղ գրեթե բոլոր երկրներում առաջատար են ազգային սոցիալական ցանցերը: Հնարավոր է՝ Facebook-ը երբեք էլ չկարողանա հաղթել նրանց:

Իտալացի ուսումնասիրողի տվյալները վիճելի են, սակայն թույլ են տալիս պատկերացում կազմել մի շարք օրինաչափությունների մասին:

Եվրոպայում, Լատինական Ամերիկայում, ԱՄՆ-ում, Կանադայում, Ավստրալիայում և շատ աֆրիկյան երկրներում առաջատար սոցիալական ցանցը Facebook-ն է:

Ռուսաստանում, Բելառուսում, Ուկրաինայում և Ղազախստանում մարդկանց մեծ մասն օգտվում է В Контакте-ի ծառայություններից, մինչդեռ Հայաստանում, Ղրղըզստանում, Ադրբեջանում և Մոլդովայում ամենատարածվածը Одноклассники-ն է:

Չինաստանում առաջատարը Qzone-ն է: MySpace-ն այսօր առաջատար է միայն Գուամում:

Արևմտյան Եվրոպայի գրեթե բոլոր երկրներում ամենատարածվածը Facebook-ն է: Արևելյան Եվրոպայում, սակայն, իրավիճակն էապես տարբեր է:

Էստոնիայում ամենատարածվածը Google-ին պատկանող Orkut-ն է: Մնացած երկրներում գերիշխում են ազգային սոցիալական ցանցերը:

AddVenture-ի ներդրումների գծով տնօրեն Ելենա Մասլովան Արևելյան Եվրոպայում ազգային սոցիալական ցանցերի գերիշխելը բացատրում է երկու հիմնական գործոններով՝ այդ երկրների փոքր լսարանը և բնակչության համեմատաբար անգլերենի վատ իմացությունը: