ՀՆԱ անկումը ԱՊՀ երկրներում 2009թ. կազմել է միջինը 7% տարեկան։ Այս մասին ասվում է ԱՊՀ Միջպետական վիճակագրական ծառայության տարածած հաղորդագրությունում։

ՌԴ-ում, Ռոսստատի տվյալներով, ՀՆԱ անկման ցուցանիշը 7,9% է։ ԱՊՀ վիճծառայության տվյալներով՝ ՀՆԱ անկման ամենամեծ տեմպ գրանցվել է Ուկրաինայում (15,9%), որին հաջորդում է Հայաստանը՝ 14,4%, Վրաստանը՝ 7,8%, Մոլդովան՝ 7,7%։

Ընդ որում ՀՆԱ-ն տարեկան կտրվածքով աճել է Ադրբեջանում՝ 9,3%-ով, Ուզբեկստանում՝ 8,1%-ով, Տաջիկստանում՝ 3,4%-ով, Ղրղըզստանում՝ 2,3%-ով, Բելառուսում՝ 0,2%-ով։