Մեր Ամերիկայի ժողովուրդների բոլիվարյան ալյանսի (ALBA) երկրները՝ Բոլիվիան, Վենեսուելան, Կուբան, Նիկարագուան, Էկվադորը, ինչպես նաև կարիբյան Անտիգուան և Դոմինիկյան Հանրապետությունը չորեքշաբթի շրջանառության մեջ են դրել փոխհաշվարկային դրամական պայմանական նոր միավորը՝ սուկրեն։

Առևտրային առաջին փոխհաշվարկն իրականացվել է Վենեսուելայի և Կուբայի միջև, հաղորդում է ИТАР-ТАСС-ը։ Վենեսուլական ընկերություններից մեկին 260տ բրնձի մատակարարման դիմաց Կուբայի ներմուծողները ALBA Bank-ի միջոցով փոխանցել են 108 հազ. սուկրե։

Ամերիկյան դոլարի նկատմաբ պայմանական այս միավորի փոխարժեքը 1,25 է, ինչը, ALBA-ի մասնագետների գնահատականներով, արտացոլում է եվրո/ամերիկյան դոլար հարաբերակցությունը։

Հիշեցնենք, որ ALBA-ի անդամ պետությունները նախորդ ապրիլին շրջանակային համաձայնաքիր կնքեցին փոխհաշվարկային պայմանական դրամական միավոր (սուկրե) ստեղծելու շուրջ՝ նպատակ հետապնդելով ավելացնել երկրների միջև առևտրաշրջանառության ծավալները, ինչպես նաև նվազեցնել կախվածությունն ամերիկյան դոլարից։