Ամերիկյան Yahoo! ընկերությունը, որին պատկանում է նույնանուն ինտերնետ որոնման համակարգը, իր HotJobs ռեսուրսը վաճառում է հիմնական մրցակցին՝ Monster Worldwide ընկերությանը։ Գործաքը գնահատվում է $225 մլն, հաղորդում է Associated Press-ը։
Գործարքը մաս է կազմում ընկերությունը վերկառուցելու Yahoo!-ի ծրագրի, որի շրջանակում այստեղ մտադիր են ազատվել այն ռեսուրսներից, որոնք անմիջականորեն չեն առնչվում մեդիա նախագծերին, ինչպես նաև հաղորդակցական համակարգերին։
Monster Worldwide-ում գործարքը նախատեսում են փակել 2010թ. հուլիս-հոկտեմբեր ամիսներին։
Նշենք, որ HotJobs կայքէջը բազմակողմանի տեղեկություններ է առաջարկում գործատուների, կադրային գործակալությունների, ինչպես նաև աշխատանք փնտրող մարդկանց մասին։ Yahoo!-ն այս ռեսուրսը ձեռք է բերել 2002թ.՝ վճարելով $439 մլն։
|
